Woar het men zo'n mooie stad

zeg mie aiens woar is dat

allain in gro"nnen

Woar het men zo'n Herestroat

Kolle Gat en Oosterpoort

Allain in Gro"nnen

Woar het men zo'n faine gle`ne riepe

En `n beste boerenmaid om in te kniepe'n

Woar klinkt d'olle toal zo schoon

van zwienesteert en molleboon

Bie ons in stad

----------------

Woar sprekt men van gruin en bruin

groen en broen, en ' el katoen

allain in gro'nnen

woar sprekt men van haffelsnoet

hounderdaif, moalle slaif

allein in gro'nnen

laifst met Sunnemeerten op de stroade

Kriegst kakaigies suuries en sukkelaode

Woar kriegt men van ' laifste wief

Stieve nek en pien in ' t lief

Bie ons in stad !

Woar de vismaark oetlopt op het kolle gat

Woar an Grode Maark Metini-toorn stoat

Woar deur d ' Herestroade mooie wichter goan

Doar ben ik geboorn , doar kom ik vandoan.

Woar de ainden zwemmen in ons mooie plantsoen

In ' Stadspaark de bloumen mooi stoan tusschen ' t groen

Woar kastanjebomen an de singels stoan

Doar ben ik geboren , doar kom ik vandoan.

Woar an melkweg nog een zunnewiezer stoat

Mainig poartje noar ' t Steerenbosch tou goat

Woar de trolliebussen deur de stroaten goan

Dat is " Gruno's Veste " , doar kom ik vandoan.

Ook ons stadje het zien mannen van formoat

Zoals Tammo , Henne Lek en Proemedroad

En een prima zanger , Roos dat is zien noam

' K Bin wies op mien Grunnen , ' k wil er nooit vandoan.

GRUNNENS LAID.

--------------------------

Van Lauwerszee tot Dollard tou,

Van Drente tot aan ' t Wad,

Doar gruit, doar bluit ain wonderlaand

Rondom ain wondre stad.

Ain pronkjewail in golden raand,

Is Grunnen, stad en ommelaand.

Ain Pronkjewail in golden raand

Is Stad en Ommelaand !

Doar broest de zee , daor hoelt de wind,

Doar soest ' t aan diek en wad,

Maor rustig waarkt en wuilt het volk,

Het volk van Loug en Stad.

Ain Pronkjewail in golden raand

Is grunnen Stad en Ommelaand,

Ain Pronkjewail in golden raand

Is Stad en Ommelaand !

Doar woont de dege degelkhaaid,

De wille vast as stoal,

Doar vuilt het haart , wat tonge sprekt,

In richt- en slichte toal.

Ain Pronkjewail in golden raand

Is Grunnen, Stad en Ommelaand,

Ain Pronkjewail in golden raand

Is Stad en Ommelaand !